වැලිගම වෙඩි තැබීමට සම්බන්ධ තවත් සැකකරුවෙක් අත්අඩංගුවට
වැලිගම වෙඩි තැබීමේ සිද්ධියට සම්බන්ධ තවත් සැකකරුවෙකු අත්අඩංගුවට ගෙන තිබෙනවා.
පසුගිය 4 වෙනිදා වැලිගම පොලිස් වසමේ මහනැවියා මාර්ගයේ ගමන් කරමින් සිටි පුද්ගලයින් 5 දෙනෙකු ඉලක්ක කර ටී 56 වර්ගයේ ගිනි අවියකින් සහ පිස්තෝල වර්ගයේ ගිනි අවියකින් වෙඩි ප්‍රහාරයක් එල්ලවුණා.
මනුෂ්‍ය ඝාතනයක් සිදුකිරීම සම්බන්ධයෙන් සිදුකළ විමර්ශන වලදී මීට පෙර සැකකරුවෙකු හා සැකකාරියක් අත්අඩංගුවට ගත් බවයි පොලිසිය පවසන්නේ.
ඊයේ සවස් කාලයේදී මාතර ප්‍රදේශයෙන් අත්අඩංගුවට ගත් පුද්ගලයා සැකකරුවන්ට පලායාම සඳහා මෝටර් රථය පැදවූ රියදුරා බවයි පොලිසිය සඳහන් කළේ.
සැකකරුගේ ප්‍රකාශ මත එම මෝටර් රථය ද අත්අඩංගුවට ගෙන තිබෙනවා.