ඔඩ්ඩුසුඩාන් වලත් වෙඩි තැබීමක්
ඔඩ්ඩුසුඩාන් කලාමුරිප්පු ප්‍රදේශයේ නිවසක් තුළ සිදු කළ වෙඩි තැබීමකින් පුද්ගලයෙකු තුවාල ලබා ඇතැයි ඔඩ්ඩුසුඩාන් පොලිසිය පවසයි.
මෙම නිවසට ඊයේ (08) පස්වරුවේ පැමිණි පුද්ගලයෙකු නිවෙස් හිමියා සමග ආරවුලක් ඇති කරගෙන ඇති අතර එම ආරවුල දුරදිග ගොස් සැකකරු කැලයට දිවගොස් බෙහෙත් කොටන තුවක්කු දෙකක් රැගෙන විත් ඉන් එක් තුවක්කුවකින් ගෙහිමියාට වෙඩි තබා ඇති බව පොලිසිය සඳහන් කළේය.
වෙඩි වැදීමෙන් බරපතල තුවාල ලැබූ ගෙහිමියා මාංචෝලේ රෝහලට ඇතුළත් කර ප්‍රතිකාර ලබමින් සිටින බවද පොලිසිය පැවසීය.
සිද්ධියේ සැකකරු ප්‍රදේශයෙන් පලා ගොස් ඇති බව පොලිසිය සඳහන් කළේය.