වැලිගම පස්දෙනෙකුට වෙඩි තැබීමේ සිද්ධියට පුද්ගලයෙක් අත්අඩංගුවට
වැලිගම පොලිස් වසමේ දී පුද්ගලයන් පස්දෙනෙකුට යතුරු පැදි තුනකින් පැමිණ සිදුකළ වෙඩි තැබීමේ සිද්ධියට සම්බන්ධ සැකකරුවෙක් අත්අඩංගුවට ගෙන තිබෙනවා.
මාතර කොට්ඨාස අපරාධ විමර්ෂණ කාර්යාංශයයි වැටලීම සිදුකළේ.
මෙසේ අත්අඩංගුවට ගෙන ඇත්තේ, වයස අවුරුදු 24ක් වන වල්ලිවල, වැලිගම ප්‍රදේශයේ පදිංචිකරුවෙක්.
පසුගිය 4 වනදා සිදුවු වෙඩි තැබීමෙන් දෙදෙනෙකු තුවාල ලබා වලාන රෝහලට ඇතුලත් කිරිමේ දී එක් පුද්ගලයෙකු මිය ගොස් තිබෙනවා.
අත්අඩංගුවට ගත් සැකකරුගෙන් හෙළිකර ගත් තොරතුරු මත අපරාධය සිදුකිරීමට භාවිත කළ යතුරු පැදියක් අත්අඩංගුවට ගත් බවයි පොලිසිය පවසන්නේ.