ශ්‍රී ලංකා – ඔස්ට්‍රේලියා තරග කාලසටහන නිකුත් වෙයි
ඔස්ට්‍රේලියා කණ්ඩායමේ ශ්‍රී ලංකා තරග සංචාරයට අදාළ තරග කාලසටහන ශ්‍රී ලංකා ක්‍රිකට් ආයතනය විසින් ප්‍රකාශයට පත්කර තිබේ.
එම සංචාරයට ටෙස්ට් තරග දෙකක් සහ එක්දින ජාත්‍යන්තර තරගයක් ඇතුළත් වන බව සඳහන්.
ඒ අනුව, පළමු ටෙස්ට් තරගය ජනවාරි 29 වනදා ආරම්භ වන අතර දෙවැනි ටෙස්ට් තරගය පෙබරවාරි 06 වනදා ඇරඹෙයි.
තරග දෙකම ගාල්ල ජාත්‍යන්තර ක්‍රිකට් ක්‍රීඩාංගනයේදී පැවැත්වෙන බව සඳහන්.
එක්දින තරගය 2025 පෙබරවාරි 13 වන දින දිවා-රාත්‍රී තරගයක් ලෙස පැවැත්වෙන අතර ඕස්ට්‍රේලියානු ක්‍රිකට් කණ්ඩායම 2025 ජනවාරි 20 වන දින ශ්‍රී ලංකාවට පැමිණෙනු ඇති බවයි, වැඩිදුරටත් සඳහන් වෙන්නේ.
