විදුලි සැර වැදී පෙදරේරුවන් 3ක් මරුට
නොරෝච්චෝල මාම්පුරීය ප්‍රදේශයේ නිවසක ඉදි කිරීමක නිතර සිටි කම්කරුවන් පිරිසකට ඊයේ (29) සවස විදුලි සැර වැදීමෙන් තිදෙනකු එම ස්ථානයෙදීම මරණයට පත්ව ඇති බව නොරොච්චෝල පොලිසිය කියයි.
මෙලෙස මරණයට පත්ව ඇත්තේ පුත්තලම පැරණි මන්නාරම මාර්ගයෙ පදිංචි පිරිසක් බව පොලිසිය කියයි.
පුද්ගලික කොන්ත්‍රාත්කරුවකු විසින් අදාල නිවසේ ඉදිකිරීම් කොන්ත්‍රාත්තුව ලබා ගෙන තිබු බවත් ඔහු විසින් ඉදි කිරීම සදහා පෙදරේරුවන් හා වඩු කාර්මිකයින් යොදවා අදාල ඉදිකිරීමේ වැඩ කටයුතු සිදු කරමින් සිටියදී ඊයේ 29 සවස මෙම විදුලි සැර වැදිම සිදුව ඇති බවයි පැවසෙන්නේ.
අදාල කම්කරුවන් පිරිස යකඩ පලංචියක නැගි ඉදි කිරීමේ නිරතව සිටියදී මෙලෙස විදුලි සැරට ලක්ව ඇති බවත් ඒ වනවිට යකඩ පලංචිය මත සිව් දෙනෙකු වැඩ කරමින් සිට ඇති බවත් විදුලි සැර වැදිමත් සමග එක් අයකු විසිවි ගොස් පහතට වැටි ඇති බවත් පැවසේ.
