මොරොක්කෝ මුහුදේ යාත්‍රාවක් පෙරළී 69ක් මරුට
මොරොක්කෝවට ආසන්න මුහුදේ ගමන් කරමින් තිබූ යාත්‍රාවක් පෙරළී යාමෙන් පුද්ගලයින් 69 දෙනෙකු මියගොස් ඇති බව විදෙස් මාධ්‍ය සඳහන් කරනවා.
පසුගිය 19 වනදා මෙම යාත්‍රාව බටහිර අප්‍රිකාවේ සිට ස්පාඤ්ඤය බලා යාත්‍රා කරමින් තිබීයදී පෙරළීමට ලක්ව වී ඇති අතර පෙරළිම සිදුවන අවස්ථාවේ යාත්‍රාව තුළ පුද්ගලයින් 80 දෙනෙකු පමණ ගමන් කරමින් සිට ඇති බවයි වාර්තා වන්නේ.
ඉන් දිවි ගලවා ගෙන ඇත්තේ 11 දෙනෙකු පමණයි.
මෙම වසරේ දී පමණක් පුද්ගලයින් දසදහසකට අධික සංඛ්‍යාවක් අප්‍රිකාවේ සිට බෝට්ටු වලින් ස්පාඤ්ඤයට පැමිණීමට උත්සාහ කිරීමේදී මියගොස් ඇති බවයි විදෙස් මාධ්‍ය වාර්තා කළේ.
