ගින්නකින් අක්මීමන වෙළඳසැලකට දැඩි හානි
අක්මිමණ කුරුඳුවත්ත හන්දියේ පිහිටි ගොඩනැගිලි ද්‍රව්‍ය අලෙවි සලක ඊයේ (22)රාත්‍රි ඇතිවු හදිසි ගින්නකින් වෙළඳ සල සම්පුර්ණයෙන්ම විනාශ වී ඇතැයි අක්මිමණ පොලිසිය පවසයි.
ගින්න හට ගැනිමත් සමග ගාල්ල උඩුගම මාර්ගය කුරුඳුවත්ත හන්දියෙන් තාවකාලිව වසා දැමිමට පියවර ගත් පොලිසිය ගාල්ල මහ නගර සභාවේ ගිනි නිවිම් රථ දෙකක් කැඳවා ගින්න නිවිමට පියවර ගන්නා ලදි.
එහෙත් ඒ වනවිට වෙළඳ සල සම්පුර්ණයෙන්ම ගිනි ගෙන ඇති අතර ගිනි ගැනිමෙන් කිසිවෙකුටත් අනතුරක් සිදුව නොමැති බවයි පැවසෙන්නේ.
ගින්නට හේතුව මෙතෙක් සොයාගෙන නොමැති අතර ගින්නෙන් වෙළඳ සැලට සිදු වූ හානියද මෙතෙක් ගනනය කර නොමැති බවයි පොලීසිය සඳහන් කළේ.
සිද්ධිය සම්බන්ධයෙන් අක්මිමණ පොලිසිය විසින් වැඩිදුර පරික්ෂණ පවත්වයි.