ව්‍යාජ අංක තහඩු සමග ඇල්ටෝ ධර්මේගේ ගෝලයකු අත්අඩංගුවට
මහා පරිමාණ මත්ද්‍රව්‍ය ජාවාරම් කරුවෙකු හා සංවිධානාත්මක අපරාධ කරුවෙකු වන දැනට ඩුබායි රාජ්‍යයේ සැගව සිටින ඇල්ටෝ ධර්මෙගේ ගෝලයකු හෙරොයින් සහ ව්‍යාජ අංක තහඩු 06 ක් සමග පොලිස් විශේෂ කාර්ය බලකා නිලධාරීන් අත්අඩංගුවට ගෙන තිබෙනවා.
විශේෂ කාර්ය බලකාය විශේෂ මෙහෙයුම් ඒකකය III හි නිලධාරීන් කණ්ඩායමක් විසින් ඊයේ දින මොරගහහේන පොලිස් වසමේ අංක 269/1 දකුණු උඩුව, කුඩා උඩුව, හොරණ ලිපිනයේ දීයි වැටලීම සිදු කර තිබෙන්නේ.
හෙරොයින් ග්‍රෑම් 840 ක් ඩිජිටල් තරාදි 03 ක්, ජංගම දුරකතන 02 ක් හා ව්‍යාජ අංක තහඩු 06 ක්ද මොහු සන්තකයේ තිබී පොලිස් මත්ද්‍රව්‍ය නාශක කාර්යංශය වෙත භාර දී තිබෙනවා.