මත්ද්‍රව්‍ය ජාවාරමේ යෙදී සිටි කාන්තාවක් අත්අඩංගුවට
කේරළ ගංජා ජාවාරමේ යෙදී සිටි මහා පරිමාණ මත්ද්‍රව්‍ය ජාවාරම්කාරියක් අත්අඩංගුවට ගෙන තිබෙනවා.
වයස අවුරුදු 47 ක් වන ඇය පන්නිපිටිය ප්‍රදේශයේ පදිංචි නිසංසලා නැමති කාන්තාවක් බවයි පොලිසිය පවසන්නේ.
ලක්ෂ 80 කට අධික වටිනාකමකින් යුත් කේරළ ගංජා කිලෝග්‍රෑම් 66කට ආසන්න ප්‍රමාණයක් සහ මුදලින් රුපියල් ලක්ෂ පහක් ඇය සන්තකයේ තිබී හමු වූ බවයි පොලිස් විශේෂ කාර්ය බලකා නිලධාරීන් ප්‍රකාශ කළේ.
ඊයේ දිනයේ කොට්ටාව පොලිස් වසමේ අංක 1306/1, හෝකන්දර පාර, කොට්ටාව, පන්නිපිටිය ලිපිනයේ දී මෙම වැටලීම සිදු කර තිබේ.
සිද්ධිය සම්බන්ධයෙන් කොටුව පොලිස් මත්ද්‍රව්‍ය නාශක කාර්යංශය වැඩි දුර පරීක්ෂණ පවත්වයි.