කොටස් වෙළෙඳපොළ ඉතිහාසගත වාර්තා තබයි

කොළඹ කොටස් වෙළෙඳපොළ ඉතිහාසයට තවත් සුවිශේෂී දිනයක් සනිටුහන් කරමින් අද (16) දිනයේ දී සියලු කොටස් මිල දර්ශක අගය ඉතිහාසයේ පළමු වරට ඒකක 14500 සීමාව ඉක්මවා ගියේය.

ඒකක 295.10 ක විශාල අගයකින් සියලු කොටස් මිල දර්ශකය ඊයේ ඉහළ ගිය අතර දිනයේ ගනුදෙනු අවසානයේ දී එහි අගය ඒකක 14500.44 ක් ලෙසින් වාර්තා විය. එය පෙර දිනයට සාපේක්ෂව සියයට 2.08 ක වර්ධනයක් වේ.

මේ අතර එස් ඇන්ඩ් පී ශ්‍රී ලංකා 20 දර්ශකය ඒකක 111.97 ක හෙවත් සියයට 2.64 ක කැපීපෙනෙන ඉහළ යාමක් ඊයේ දින වාර්තා කළ අතර දිනයේ ගනුදෙනු අවසානයේ දී ඒකක 4356.42 ක් ලෙසින් එහි අගය වාර්තා විය.

මේ අතර රු. බිලියන 8.27 ක දැවැන්ත ගනුදෙනු පිරිවැටුමක් ද ඊයේ දින වාර්තා වීම ද විශේෂත්වයකි.