තංගල්ලේ අතුරුපාරක සැකකටයුතු මෝටර් රථයක්

තංගල්ල, වීරකැටිය මාර්ගයේ පිහිටා ඇති බැදිගම මාරගස් හන්දියේ සිට තිරාවල දෙසට යන අතුරු මාර්ගයේ පාළු ඉඩමක් අසල අතහැර දමා ගොස් තිබූ සුදු පැහැති මෝටර් රථයක් ඊයේ (12) රාත්‍රි සොයාගත් බව පොලිසිය පවසයි.

වීරකැටිය පොලිස් ස්ථානාධිපති පොලිස් පරීක්ෂක නුවන් විජේතුංග මහතාට ලැබුණු තොරතුරකට අනුව හිමිකරුවෙකු නොසිටි මෙම සැක කටයුතු මෝටර් රථය සොයාගෙන තිබේ.

කඩවත, ඉහළ කරගහමුණ, විජයබා මාවතේ පදිංචි 36 හැවිරිදි කාන්තාවකගේ නමට මෝටර් රථය ලියාපදිංචි කර ඇති බවට අනාවරණයවූ බව පොලිසිය පවසයි.