කන්ටේනර් පෙට්ටියක් යටින් ගිනිඅවියක් සහ මැගසින් දෙකක් හමුවෙයි
වැල්ලම්පිටිය මීතොටමුල්ල සෞඛ්‍ය වෛද්‍ය නිලධාරී කාර්යාල ගොඩනැගිල්ල පිටුපස කන්ටේනර් පෙට්ටියක් යට සඟවා තිබූ බ්‍රසීලයේ නිෂ්පාදිත පිස්තෝල ගිනි අවියක් සහ මැගසින් දෙකක් සොයා ගත් බව පොලිස් විශේෂ කාර්ය බළකාය පවසයි.
පොලිස් විශේෂ කාර්ය බළකා බුද්ධි කොට්ඨාසයේ නිලධාරීන්ට ලද තොරතුරක් මත මෙම ගිනි අවිය සොයාගෙන ඇත.
අදාළ තොරතුරට අනුව, එම ස්ථානයේ සිදුකළ සෝදිසි කිරීමකදී ‘Zigana’ වර්ගයේ පිස්තෝල ගිනි අවිය කන්ටේනර් පෙට්ටිය යට භූමියේ සඟවා තිබියදී සොයා ගත් බව පොලිසිය කියයි.
කිසියම් සංවිධානාත්මක කල්ලියක් විසින් මෙම ගිනි අවිය මෙම ස්ථානයේ සඟවා තබන්නට ඇතැයි පොලිසිය සැක කරයි.