ලක්ෂ 50ක රූපලාවණ්‍ය ආලේපන තොගයක් කටුනායකදී අත්අඩංගුවට
රුපියල් ලක්ෂ පනහක් පමණ වටිනා රූපලාවණ්‍ය ආලේපන ද්‍රව්‍ය තොගයක් නීතිවිරෝධී ලෙස මෙරටට ගෙන ආ ගුවන් මගියෙකු කටුනායක ගුවන් තොටුපොළ පැමිණීමේ පර්යන්තයේ දී රේගු නිලධාරීන් පිරිසක් විසින් අත් අඩංගුවට ගෙන තිබේ .
ඔහු විසින් රැගෙන ආ ගමන් මලු තුළ මෙම රූපලාවණ්‍ය ආලේපන තොගය අසුරා ගෙන තිබියදී රේගු නිලධාරීන් විසින් අත් අඩංගුවට ගෙන තිබේ .
මොහු 34 හැවිරිදි මඩකලපුව ප්‍රදේශයේ පදිංචි නිතර ගුවන් ගමන් වල යෙදෙමින් , ව්‍යාපාරික කටයුතු සිදු කරන්නෙකි, මොහු ඊයේ (02) පස්වරු 02.40 ට ඉන්දියාවේ මුම්බායි නුවර සිට ඉන්ඩිගෝ ගුවන් සේවයේ 6 ඊ – 1185 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණි .
