නාවලපිටිය – දොළොස්බාගේ පාරට පස් කන්දක් කඩා වැටෙයි

නාවලපිටිය – දොළොස්බාගේ මාර්ගයට විශාල පස් කන්දක් සමග ගස් කඩාවැටීමෙන් එම මාර්ගයේ රථ වාහන ගමනාගමනය මේ වනවිට සම්පූර්ණයෙන්ම නවතා දමා ඇති බව නාවලපිටිය පොලීසිය පවසයි.

මෙම මාර්ගයේ වැලිගොඩවත්ත ප්‍රදේශයට පස් කන්ද කඩාවැටී ඇත්තේ, අද (29) අලුයම 2ට පමණ බවයි, වාර්තා වන්නේ.

එමෙන්ම පස් කන්ද සමග ගස්, විදුලි රැහැන් මතට කඩාවැටීම හේතුවෙන් නාවලපිටියේ ප්‍රදේශ රැසකට විදුලියද මේ වනවිට ඇණහිට තිබෙන බවයි, පැවසෙන්නේ.