නාගපට්මන් – කන්කසන්තුරේ මගී නැව් සේවාව තාවකාලිකව නතර කරයි

ඉන්දියාවේ නාගපට්මන් හා කන්කසන්තුරේ අතර ක්‍රියාත්මකව පැවති මගී නැව් සේවාව ඊයේ (17) සිට තාවකාලිකව නතර කිරීමට එම නැව් සේවා සමාගම තීරණය කර තිබේ.

අයහපත් කාලගුණික තත්ත්වය හේතුවෙන් මෙම මගී නැව් සේවාව තාවකාලිකව නතර කළ බවත් දෙරට අතර ඊයේ දිනට නියමිතව තිබූ අවසන් ගමන් වාරයද අයහපත් කාලගුණික තත්ත්වය නිසා අවලංගු කිරීමට සිදු වූ බව ද එම සමාගම සදහන් කරයි.

මෙම මගී නැව් සේවාව නැවත ලබන වසරේ ජනවාරි 17 දා සිට ආරම්භ කිරීමට ද නියමිතය.