පානදුර පොදු වැසිකිලියේ මුදල් කොල්ලකෑ සිසුන් හයක් අත්අඩංගුවට
පානදුර මුහුදු වෙරලේ පොදු වැසිකිලියේ සේවකයාගේ මුදල් භාජනය කොල්ලකෑ පාසල් සිසුන් හය දෙනෙකු අත්අඩංගුවට ගත්බව පානදුර දකුණ පොලිසිය පවසයි .
මෙසේ අත්අඩංගුවට ගෙන ඇත්තේ මොරටුව ප්‍රදේශයේ පදිංචි 16 වන වියේ පසුවන පාසල් සිසුන් පිරිසකි,
සැකකරුවන් හයදෙනා පානදුර වෙරළ තීරයේ ඇති පොදු වැසිකිලිය අසලට පැමිණ තිදෙනෙකු කිසිවෙකු පැමිණේද ? යන්න නිරීක්ෂණය කරමින් සිටියදී අනෙක් තිදෙනා එහි සිටි සේවකයා බියගන්වා මුදල් පෙට්ටිය කොල්ලකා පලාගොස් තිබේ.
එහිදි බියට පත් සේවකයා ඉවතට පැන උදව් ඉල්ලා කෑගැසීමේදී අවට සිටි පිරිසගේ සහාය ඇතිව ඔවුන් අත්අඩංගුවට ගෙන ඇති බව පොලිසිය පවසයි.
කොල්ලකෑ මුදල් භාජනයේ තිබී ඇත්තේ රුපියල් 415 ක් බවද උසස් පොලිස් නිළධාරියෙක් සදහන් කලේය.