විදෙස් ගමන් බලපත්‍ර 66ක් සමඟ යුවළක් අත්අඩංගුවට
විවිධ පුද්ගලයන්ට අයත් විදේශ ගමන් බලපත්‍ර 66 ක් සන්තකයේ තබාගෙන සිටි කාන්තාවක් සහ පිරිමි පුද්ගලයකු අත්අඩංගුවට ගත් බව කහතුඩුව පොලිසිය පවසයි.
ඔවුන් සන්තකයේ තිබී අයිස් මත්ද්‍රව්‍ය ද පොලිස් භාරයට ගෙන ඇති අතර කහතුඩුව පොලිසියේ නිලධාරීන්ට ලද තොරතුරට අනුව කහතුඩුව සියඹලා ගොඩ ජයලිය ගොඩ ප්‍රදේශයේ නිවසකදී මොවුන් අත්අඩංගුවට ගෙන තිබේ.
සිංගප්පූරුව ,හොංකොන්, ඩුබායි රුමේනියා යන රටවල රැකියා ලබා දෙන බව පවසා විවිධ පුද්ගලයන්ගෙන් රුපියල් ලක්ෂ 2/3 ආදී මුදල් වසර 2 1/2 කාලයක සිට ලබාගෙන ඇති බව පොලිස් විමර්ශනවලදී අනාවරණය වී ඇත