ට්‍රම්ප්ගේ කාර්ය මණ්ඩල ප්‍රධානී තනතුර කාන්තාවකට
ඇමරිකානු ජනාධිපති මැතිවරණයෙන් තේරී පත්වූ ජනාධිපති ඩොනල්ඩ් ට්‍රම්ප් විසින් ධවල මන්දිර කාර්ය මණ්ඩල ප්‍රධානියා ලෙස සූසී වයිල්ස් නම් කර තිබෙන බව විදෙස් මාධ්‍ය වාර්තා කරයි.
ට්‍රම්ප්ගේ ප්‍රචාරක කළමනාකරු තනතුරට පත් වූ පළමු කාන්තාවද ඇය බව විදෙස් මාධ්‍ය වාර්තා සඳහන් කරයි.
‘මට මගේ ජයග්‍රහණය වෙනුවෙන් ඇය සහාය දුන්නා. මාණ්ඩලික ප්‍රධානී ධුරයට සූසි විලේස් හැර වෙන සුදුස්සකු නැහැ. එම ධුරයට පත්වන පළමු කාන්තාව ලෙස ඇය ඉතිහාසයට එක් වේවි’ යැයි ජනාධිපති ධුරයට තේරී පත්වුණු ට්‍රම්ප් සිය එක්ස් ගිණුම ඔස්සේ පවසා ඇත.
විදෙස් මාධ්‍ය වාර්තා කළේ මෙම තීරණය බලාත්මක වන්නේ ඩොනල්ඩ් ට්‍රම්ප් ලබන ජනවාරි 20වන දින ජනාධිපති ධූරයේ දිවුරුම් දීමෙන් අනතුරුව බවයි.