පරාජය භාර ගන්නවා – ට්‍රම්ප්ගේ ගමනට සහය දෙනවා
ඇමෙරිකන් ජනාධිපතිවරණයට ඉදිරිපත් වූ ඩිමොක්‍රටික් පක්ෂ ජනාධිපති ධුර අපේක්ෂිකා වත්මන් උප ජනාධිපතිනී කමලා හැරිස් පරාජය බාර ගත්තාය.
47 වැනි ජනාධිපතිවරයා ලෙස අමෙරිකාවේ තේරී පත් වූ ඩොනල්ඩ් ට්‍රම්ප් සහ රිපබ්ලිකන් පාක්ෂික දේශපාලන ගමනට ඉදිරියේ දී සාමකාමී බල හුවමාරුවක් සමගින් ට්‍රම්ප්ගේ වැඩපිළිවෙළ සඳහා සහාය ලබාදීමට තමන් සූදානම් බව ඩිමොක්‍රටික් පක්ෂ ජනාධිපති ධුර අපේක්ෂිකා කමලා හැරිස් ප්‍රකාශ කර තිබෙනවා.
ජනාධිපතිවරණයේ ප්‍රතිඵල තමන් පිළිගන්නා නමුත්, ඇමෙරිකාවේ ප්‍රජාතන්ත්‍රවාදය වෙනුවෙන් සහ රටේ නීතිය වෙනුවෙන් දිගටම සටන් කරන බව ද හැරිස් අවධාරණය කළාය.
මැතිවරණ රැළිවලදී හැරිස්, ඩොනල්ඩ් ට්‍රම්ප් විවේචනය කරමින් පැවැසුවේ, ට්‍රම්ප් යළි ඇමෙරිකාවේ ජනාධිපති වුවහොත්, රටේ ප්‍රජාතන්ත්‍රවාදය අනතුරට පත්වනු ඇති බවය.
60 හැවිරිදි හැරිස්, ජනපති සටනට එක් වූයේ, ජනාධිපති ජෝ බයිඩන් ජනාධිපතිවරණ සටනින් ඉවත් වුණු බැවිනි. බයිඩන් එසේ කළේ, ඔහුගේ වයස ඔහුට බාධාවක් වූ බැවිනි.
ජනාධිපති බයිඩන්, ට්‍රම්ප්ට සුබ පතමින්, ධවල මන්දිරයේ හමුවකට පැමිණෙන්නැයි ඇරැයුම් කර ඇත. ජනාධිපති ධුරයට පත්වුණු ට්‍රම්ප්ගේ ජය තහවුරු කිරීම සහ ඔහු 47 වැනි ජනාධිපති ලෙස දිවුරුම් දීම සිදුවන්නේ ලබන වසරේ ජනවාරියේ මාසයේය.