ශ්‍රී ලංකා – කොදෙව් අවසන් එක්දින තරගය අද
සංචාරක බටහිර ඉන්දීය කොදෙව් කණ්ඩායම සහ ශ්‍රී ලංකා කණ්ඩායම අතර තුන්වැනි සහ අවසන් එක්දින ක්‍රිකට් තරගය අද (26) පැවැත්වේ.
තරඟය පස්වරු 2.30ට පල්ලේකැලේ ජාත්‍යන්තර ක්‍රිකට් ක්‍රීඩාංගණයේදී ආරම්භ වීමට නියමිතයි.
තරග තුනකින් සමන්විත එක්දින තරගාවලිය තරඟ 2ට 0ක් ලෙස සත්කාරක ශ්‍රී ලංකා කණ්ඩායම මේ වන විටත් ජය ගෙන තිබේ.
මේ අතර, ආබාධයකට ලක් වීම හේතුවෙන් පසුගිය තරග දෙකේ දී ක්‍රීඩා නොකළ ආරම්භක පිතිකරු පැතුම් නිස්සංක අද තරගයට කැදවා ඇති බවයි වාර්තා වන්නේ.
එමෙන්ම, බටහිර ඉන්දීය කොදෙව් කණ්ඩායමේ වෙනස්කම් පිළිබඳව තවම වාර්තා වී නැහැ.