පාස්පෝට් ගැටලුව ගැන සොයන්න ආගමන විගමන නිලධාරීන් පිරිසක් පෝලන්තයට
විදේශ ගමන් බලපත්‍ර අයැදුම්පත් ගොඩගැසෙමින් විද්‍යුත් විදේශ ගමන් බලපත්‍ර ටෙන්ඩරය හේතුවෙන් නිර්මාණය වී ඇති “හදිසි” තත්වයට තාවකාලික පිළියමක් ලෙස ඇණවුම් කළ යන්ත්‍රයෙන් කියවිය හැකි විදේශ ගමන් බලපත්‍ර පොත් තොගයේ නිෂ්පාදන ක්‍රියාවලිය පරික්ෂා කිරීම සඳහා ආගමන විගමන දෙපාර්තමේන්තුවේ නිලධාරින් කණ්ඩායමක් පෝලන්තයේ අදාළ කර්මාන්තශාලාවේ සංචාරයකට ගොස් තිබේ.
යන්ත්‍රයෙන් කියවිය හැකි විදේශ ගමන් බලපත්‍ර තොගයේ නව සැපයුම්කරු වන්නේ තේල්ස් සමාගම වේ.
එම සමාගමේ දේශීය හවුල්කරුවන ජස්ට් ඉන් ටයිම් ටෙක්නොලොජීස් සමාගම මහජන ආරක්ෂක අමාත්‍යාංශයේ විද්‍යුත් විදේශ ගමන් බලපත්‍ර සඳහා වූ ටෙන්ඩරයද මෙම වසර මුලදී හිමිකර ගත්තේය.
කෙසේ වෙතත්, ලංසු ව්‍යුහයේ සහ කොන්දේසිවල පසුව සිදුවූ වෙනස්කම් හේතුවෙන් ටෙන්ඩරයේ ප්‍රමාදවීමක් ඇතිවූ අතර ඒ හේතුවෙන් විද්‍යුත් විදේශ ගමන් බලපත්‍ර තොගය නිෂ්පාදනය කිරීම ආරම්භ කිරීමටත් ප්‍රථම ආගමන හා විගමන දෙපාර්තමේන්තුවේ පැවැති විදේශ ගමන් බලපත්‍ර පොත් තොගය ඉතා ඉක්මණින් අවසන් වීමට පටන් ගත්තේය.
දැනට සිටින විදේශ ගමන් බලපත්‍ර සැපයුම්කරුවන එපික් ලංකා සමාගම සහ ජස්ට් ඉන් ටයිම් ටෙක්නොලොජීස් සමාගමට ආගමන විගමන දෙපාර්තමේන්තුවට අයත් යන්ත්‍රයෙන් කියවිය හැකි විදේශ ගමන් බලපත්‍ර අලෙවි කිරීම සඳහා තිබූ තරඟකාරී ගැටුම අවසන් කරමින්, විද්‍යුත් විදේශ ගමන් බලපත්‍ර ටෙන්ඩරය නිසියාකාරව කළමනාකරණය කිරීමට නොහැකිවිණ.
ඒ හේතුවෙන් පැනනැග ඇති විදේශ ගමන් බලපත්‍ර පොත් හිඟයට තාවකාලික විසඳුමක් ලෙස යන්ත්‍රයෙන් කියවිය හැකි විදේශ ගමන් බලපත්‍ර පොත් 750,000 ක ඇණවුමක් ජස්ට් ඉන් ටයිම් ටෙක්නොලොජීස් සමාගමට ලබාදීමට ආගමන හා විගමන දෙපාර්තමේන්තුව පසුව කටයුතු කළ බව ආරංචි මාර්ග ප්‍රකාශ කළේය.