එංගලන්තය පළමු ඉනිමට ලකුණු 427ක්
ශ්‍රී ලංකාව සමඟ පැවැත්වෙන දෙවන ටෙස්ට් තරගයේ පළමු ඉනිම වෙනුවෙන් එංගලන්තය සියල්ලන් දැවී ලකුණු 427ක් රැස් කිරීමට සමත් වුණා.
එහිදී එංගලන්ත පළමු ඉනිම වෙනුවෙන් ජෝ රූට් ලකුණු 143ක් සහ ගස් ඇට්කින්සන් ලකුණු 118ක් රැස් කළා.
පන්දු යැවීමේ දී අසිත ප්‍රනාන්දු එංගලන්ත පළමු ඉනිමේ කඩුලු 05ක් බිඳ දැමූ අතර, මිලාන් රත්නායක සහ ළහිරු කුමාර කඩුලු දෙක බැඟින් බිද දැමුවා.
ප්‍රථමයෙන් පන්දුවට පහර දීමට පැමිණි එංගලන්ත කණ්ඩායම පළමු දිනය නිමාවන විට කඩුළු 7ක් දැවී ලකුණු 358ක් රැස් කළ අතර දෙවැනි දිනයට පිටියට පිවිසි එංගලන්ත කණ්ඩායම අද (30) සියලු දෙනා දැවී ලකුණු 427ක් ලදා ගත්තා.
ලෝඩ්ස් හිදී පැවැත්වෙන මෙම තරගයේ දෙවන දිනය අදයි