ඇල්පිටිය ප්‍රාදේශීය සභාවට නාමයෝජනා කැඳවයි

ඇල්පිටිය ප්‍රාදේශීය සභාවට සභාපති, උප සභාපති සහ සභිකයින් තෝරා පත්කර ගැනීම සඳහා සැප්තැම්බර් 09 වැනිදා සිට සැප්තැම්බර් 12 වැනිදා දක්වා නාමයෝජනා කැඳවන බව මැතිවරණ කොමිෂන් සභාව පවසයි.

ඒ අනුව, නාමයෝජනා භාරගැනීමේ නිවේදනය අද (26) දින ඇල්පිටිය ප්‍රාදේශීය සභාවේ තේරීම්භාර නිලධාරියා විසින් ප්‍රසිද්ධ කර තිබේ.

මේ අනුව, ඡන්ද විමසීම සඳහා ඇප මුදල් තැන්පත් භාරගැනීම අද සිට සැප්තැම්බර් 11 වන දින මධ්‍යහ්න 12 දක්වාත් (මෙම කාලය අතරතුර එළැඹෙන 2024 අගෝස්තු 31 හා 2024 සැප්තැම්බර් 1, 7 හා 8 යන සෙනසුරාදා හා ඉරිදා දිනවල දී හැර) නාමයෝජනා භාරගැනීම 2024 සැප්තැම්බර් 9 සිට සැප්තැම්බර් 12 දින මධ්‍යහ්න 12 දක්වාත් ගාල්ල දිස්ත්‍රික් ලේකම් දිසාපති කාර්යාලයේ දී සිදුකරන බව මැතිවරණ කොමිෂන් සභාව නිවේදනය කරයි.