දවසේ ලග්න පලාපල – 2024 අගෝස්තු මස 09 වන සිකුරාදා

මේෂ

භුභාශුභ ඵල දෙයි. ප්‍රීති සාද, මංගල සාද වැනි දේට හේතුයි. සතුරු බලපෑම් ධමනය වේ. හදිසි තීරණ මත ක්‍රියාකිරීම් ශුභවාදී නොවේ. භූමි ලාභ, භූමි සම්පත් ගෙන දෙයි. සිරසාබාධ රෝග මතුකරයි.

වෘෂභ

දුරදිග බලා ක්‍රියාකළ යුතු දිනකි. විනෝදජනක ගමන් හා එවැනි ක්‍රියාවලට හිත යෙදෙන අතර බලාපොරොත්තු නොවන ලෙස වැයපස ද ඉහළ යයි. ඉඩකඩම් පිළිබඳ ගැටලුවක් සුහදව විසඳේ. සන්ධි ප්‍රදාහ රෝග මතු කරයි.

මිථුන

ප්‍රීති උත්සව, මංගල සාද වැනි දේවල් යෙදෙන, අලංකාර දේ සඳහා වැයපස ඉහළ යන දිනකි. නව නිපැයුම් ඇරඹීමට ශුභයි. උගතුන්, වියතුන් ඇසුරට පත්වෙයි. මහජන ප්‍රසාදයට පත්වෙයි. හෘදයාබාධ, වාත රෝග මතුවේ.

කටක

ශුභාශුභ ඵල දෙයි. ප්‍රීති උත්සව යෙදේ. නව ව්‍යාපාර ඇරඹීමට හේතුයි. උගතුන්ගෙන් උදව් උපකාර ද ලබයි. සතුරන් ධමනය වෙයි. ආගමික උත්සවවලට සහභාගි වීමේ අවස්ථා යෙදේ. මුත්‍රා රෝග ආසාදන මතුකරයි.

සිංහ

ගමන් බිමන් බහුලයි. සුපුරුදු ක්‍රියාවන්ගෙන් ඉවත්ව දහමට ළැදිව ක්‍රියාකරයි. දානශීලාදී ගුණදහම් වඩවන දිනකි. සමාජ සද්කාරක ක්‍රියාවන්හි යෙදෙන අමතර ලාභ ද ලබන දිනකි. නේත්‍ර රෝග, මුඛ රෝග මතුකරයි.

කන්‍යා

දහමට අවතීර්ණව ක්‍රියාවේ යෙදෙන දිනකි. ආධ්‍යාත්මික ගුණවගාවන්හි යෙදේ. පරාර්ථකාමීව ක්‍රියාකරන අතර වෙහෙර විහාරාදියෙහි වැඩිපුර කාලය යොදවයි. තරමක් වැයපස ඉහළ යයි. සෙම් බහුල රෝග මතුකරයි.

තුලා

ගමන් බිමන් අධික වෙයි. තම ඥාති මිත්‍රාදීන් ඒකරාශීව ක්‍රියාකරයි. දානමානාදි පුණ්‍ය කර්මවල ද යෙදේ. ආගමික උත්සව සංවිධානයට හේතුයි. ඒවාට සහභාගි වීමේ අවස්ථා ද යෙදේ. ස්නායුගත රෝග, නහර වේදනා මතුකරයි.

වෘශ්චික

සුපුරුදු ක්‍රියාවන්ගෙන් දුරස්ථව දහමට අවතීර්ණවේ. තම ඥාති මිත්‍රාදීන් ඒකරාශීව ක්‍රියාකරයි. පුද පූජා ක්‍රියාවන්හි යෙදෙන අතර සමාජ සද්ක්‍රියා දියත් කරයි. හදිසි ධන ලාභ ද දෙයි. ඌෂ්ණාධික රෝග මතුකරයි.