දවසේ ලග්න පලාපල – 2023 දෙසැම්බර් මස 18 වන සඳුදා

මේෂ

ක්‍රියාකාරී දිනකි. පොදු උත්සව සමිති සමාගම්වල සමාජ සත්කාරක ක්‍රියා දියත් කරයි. විනෝදජනක ක්‍රියාවන්හි යෙදෙන අතර විනෝද ගමන් ද යෙදේ. තම ඇසුරු කරන්නන් අතර ප්‍රධාන වේ. ස්නායුගත රෝග පීඩා මතුකරයි.

වෘෂභ

සුපුරුදු ක්‍රියාවන්වලට අමතරව සමාජ සත්කාරක ක්‍රියා දියත් කරයි. නව නිපැයුම් ඇරඹීමට හේතුයි. ඉඩකඩම් ලාභ ලබයි. විනෝදජනක ක්‍රියාවන්හි යෙදේ. නවක මිතුදම් ඇති වෙයි. නේත්‍ර රෝග කර්ණ රෝග මතුකරයි.

මිථුන

ක්‍රියාකාරකම් බහුලයි. තම ඥාතීන්ගේ අවශ්‍යතා මත ක්‍රියාකරන අතර පොදු වැඩකටයුතුවල ද යෙදෙන දිනකි. අමතර වියපැහැදම් අධික වන දිනකි. ණයතුරුස් වීමට ද ඉඩකඩ තිබේ. බෝවන රෝග සෙම් රෝග මතුකරයි.

කටක

පොදු සේවා සමාජ සත්කාරක ක්‍රියා ආදියෙහි යෙදෙන අතර ආගමික උත්සව සංවිධානයට ද හේතුයි. කෙසේ නමුත් බලාපොරොත්තු ලෙස වියපැහැදම් සිදුවේ. හදිසි ලාභ ද ගෙන දෙයි. සිරසගත පීඩන ගෙන දෙයි.

සිංහ

ශුභා ශුභ මිශ්‍රඵල උදාකරයි. ගමන් බිමන්ද තරමක් අධික වෙයි. කාලය සීමා වන අතර තරමක් අතපසුවීම්වලට හේතුයි. දහමට ලැදිව ක්‍රියා කරයි. සෙම් කෝප රෝග මතුවීමට ඉඩ තිබේ.

කන්‍යා

ක්‍රියාශීලීව කටයුතුවල යෙදේ. අධ්‍යාත්මික ගුණවගාවන් කෙරෙහි සිත් යොමුකරවයි. තම ඥාති මිත්‍රාදීන් ඒකරාශීව දහමට අවතීර්ණ වෙයි. වනෝදජනක කටයුතුවල ද යෙදේ. වාත රෝග මතුකරන දිනකි.

තුලා

ශුභා ශුභ මිශ්‍රඵලවල යෙදේ. තම ඥාති මිත්‍රාදීන් ඒකරාශීව දහමට ලැදිව ක්‍රියාකරයි. දානමානාදි පුණ්‍යකර්මවල යෙදේ. විනෝදජනක ක්‍රියාවන් ද දියත් කිරීමට හේතුයි. දන්ත රෝග නේත්‍ර රෝග මතුවෙයි.

වෘශ්චික

ශුභා ශුභ ඵල දෙයි. තම නිවස තරමක් උත්සව ස්වරූපයක් ගනී. ඥාති මිත්‍රාදීන් ඒකරාශී වන අතර දුරස්ථ වූ ඥාතීන් ද සමීප වෙයි. දහමට අවතීර්ණව ක්‍රියාකරන දිනකි. වාතාධික රෝග ඉස්මතු වෙයි.

ධනු

ක්‍රියාකාරී දිනකි. නිවස උත්සව ශ්‍රියාවක් ඇතිකරයි. විනෝදයෙන් ගෙවන දිනකි. වැයපස ද ඉහළ යයි. ආගමට දහමට ලැදිව ක්‍රියා කරයි. තම ඥාතීන් දහමට යොමුකරවන ක්‍රියා යෙදෙයි. මුත්‍රා ආසාදන රෝග සාදයි.

මකර

ගමන් බිමන් බහුල වෙයි. දුරස්ථව සිටි ඥාතීන් සමීප වන ක්‍රියා යෙදේ. ප්‍රසාදයට පත්වන කරුණු කාරණා යෙදේ. ප්‍රීති සාද උත්සවවලට සහභාගි වීමේ අවස්ථා යෙදේ. කොන්දේ රෝග වාත රෝග මතුවේ.

කුම්භ

ක්‍රියාශීලී දිනකි. විනෝද ගමන් ක්‍රියා ආදියෙහි යෙදේ. සැහැල්ලු මනසින් දවස ගෙවයි. නව සබඳතා මත සිත් සැහැල්ලු වෙයි. ආගමික පුද පූජා ගරුකර ක්‍රියාකරයි. හදිසි ලාභ ලබයි. නේත්‍ර රෝග මතුවේ.

මීන

ගමන් බිමන් යෙදෙන අතර වැයපස ඉහළ යන දිනකි. තම වටිනාකම ප්‍රදර්ශනය වන ක්‍රියාද යෙදේ. ආගමික උත්සව වැනි දේවල් යෙදේ. තම ඥාතීන් සමග සුහදතාව වර්ධන ක්‍රියා යෙදේ. සෙම් බහුල රෝග ද මතුකරයි.