ඡන්දෙට ගමේ යන්න විශේෂ දුම්රිය හා බස් සේවා

සතිඅන්තයේ යෙදෙන දීර්ඝ නිවාඩුවට ගම්බිම් බලා යන ජනතාවගේ ගමන් පහසුව සඳහා විශේෂ දුම්රිය හා බස් සේවා ක්‍රියාත්මක කෙරෙන බව දුම්රිය දෙපාර්තමෙන්තුව හා ශ්‍රී ලංකා ගමනාගමන මණ්ඩලය පවසයි.

ඒ අනුව, කොළඹ කොටුව සිට බදුල්ල දක්වා විශේෂ දුම්රිය කීපයක් ධාවනය කෙරෙන බව දුම්රිය පාලක මැදිරිය සදහන් කරයි.

14, 16 සහ 17, යන දිනවල මෙම විශේෂ දුම්රිය සේවා පෙරවරු 7.45 හා රාත්‍රී 7.30 ට කොළඹ කොටුව දුම්රිය ස්ථානයෙන් පිටත් වේ.

පිටකොටුව මධ්‍යම බස් නැවතුම්පොළේ සිට ශ්‍රී ලංගම බස් රථ රැසක් පිටපළාත් දක්වා ධාවනය කෙරෙන බව ශ්‍රී ලංකා ගමනාගමන මණ්ඩලය පවසයි.