පොහොර සහනාධාරය වෙනුවෙන් රු.මිලියන 57ක් ගොවීන්ගේ බැංකු ගිණුම් වෙත
පොහොර සහනාධාරය වෙනුවෙන් රුපියල් මිලියන 57ක් ගොවීන්ගේ බැංකු ගිණුම් වෙත යොමු කළ බව ගොවිජන සේවා දෙපාර්තමේන්තුව පවස‍යි.
ඒ අනුව, හෙක්ටයාර් 1ක් සඳහා රුපියල් 15,000 බැගින් ඊයේ (28) දිනයේ බැංකු ගිණුම් වෙත යොමු කළ බවයි, ගොවිජන සේවා කොමසාරිස් ජනරාල් රෝහණ රාජපක්ෂ මහතා සඳහන් කළේ.
මේ වනවිට රුපියල් මිලියන 113 ක මුදලක් මහා භාණ්ඩාගාරයෙන් ගොවීන්ට මහ කන්නයේ පොහොර සහනාධාරය ලබාදීම සඳහා ලබාදී තිබේ.
දැනට වී වගා කටයුතු ආරම්භ කර ඇති දිස්ත්‍රික්ක කිහිපයක් සඳහා එම මුදල් ලබාදුන් බව ගොවිජන සේවා කොමසාරිස් ජනරාල්වරයා සඳහන් කළේය.
ඉදිරියේදී වගා කටයුතු ආරම්භ කරන පිළිවෙළ අනුව මුදල් නිකුත් කරන බව ගොවිජන සේවා කොමසාරිස් ජනරාල්වරයා ප්‍රකාශ කර සිටියේය.