ලොහාන්ගේ බිරිඳත් අත්අඩංගුවට ගැනීමට විමර්ශන
කොටස් ගෙන්වා එකලස් කරන ලද රුපියල් කෝටි ගණනාවක් වටිනා අති සුඛෝභෝගී මෝටර් රථයක් නීති විරෝධී බව දැන දැන නිවස තුල සඟවාගෙන සිටීම සම්බන්ධයෙන් හිටපු රාජ්‍ය අමාත්‍ය ලොහාන් රත්වත්තේ මහතාගේ බිරිඳ ද අත්අඩංගුවට ගැනීමට කටයුතු කරන බව පොලිසියේ උසස් නිලධාරියෙක් පැවසීය
ඒ සඳහා මිරිහාන මූලස්ථාන ප්‍රධාන පොලිස් පරීක්ෂක මංජුල තුෂාර මහතාගේ අධීක්ෂණය යටතේ විශේෂ පොලිස් කණ්ඩායම් දෙකක්ද යොදවා ඇතැයි හෙතෙම කීය
රශි පබා රත්වත්තේ මහත්මියට නුගේගොඩ මහේස්ත්‍රාත් අධිකරණය මගින් සිතාසි පවා නිකුත් කර ඇතැයි පොලිසිය කියයි
ඊට අමතරව හිටපු රාජ්‍ය අමාත්‍යවරයාගේ පුතු සම්බන්ධයෙන්ද විමර්ශනයක් සිදු කරන බව පොලිසිය වැඩිදුරටත් පවසයි.
නීති විරෝධී මෝටර් රථයට අදාළව කටුගස්තොට නිවසේදී ඊයේ (31) අත්අඩංගුවට ගත් හිටපු රාජ්‍ය අමාත්‍ය ලොහාන් රත්වත්තේ මහතා එදිනම නුගේගොඩ අධිකරණයේ අතිරේක මහේස්ත්‍රාත් සංජය විජේසිංහ මහතා හමුවට ඉදිරිපත් කිරීමෙන් අනතුරුව ලබන මස 7 වෙනිදින දක්වා රිමාන්ඩ් බන්ධනාගාර ගත කරන ලෙස නියෝග කළේය.
හිටපු අමාත්‍ය ලොහාන් රත්වත්තේ සම්බන්ධයෙන් පසුගිය කාලය පුරාවට දැඩි කතාබහට ලක්වුණු සිද්ධීන් ගණනාවක් ගැන සිදුකළ Pod-i වැඩසටහනේ වීඩියෝ දර්ශන වලට අදාළ ලින්ක් එක පහතින්