දවසේ ලග්න පලාපල – 2024 අගෝස්තු මස 20 වන අඟහරුවාදා

මේෂ

ශුභාශුභ මිශ්‍ර ඵල ගෙන දෙයි. රැකියා ස්ථානවල කැපීපෙනෙන චරිතයකි. අන් අයගේ අවශ්‍යතා මත ක්‍රියා කරයි. රාජකාරි ද බහුලයි. අමතර ක්‍රියාකාරකම් ද යෙදේ. හදිසි ලාභ ද ලබයි. සෙම් ආශ්‍රිත රෝග, උෂ්ණ රෝග මතුකරයි.

වෘෂභ

අවිවේකී දිනකි. රාජකාරි බහුල වෙයි. අමතර ගමන් බිමන්ද යෙදේ. තම ඥාතීන්ගේ අවශ්‍යතා මත මිල මුදල් වැය කිරීමට ද සිදුවන අතර මහජන සබඳතා වර්ධන ක්‍රියාවන්හි යෙදේ. මුත්‍රලිංග පද්ධතියේ රෝගවලට හේතුයි.

මිථුන

ක්‍රියාකාරී දිනකි. පොදු සේවා, සමාජ සද්කාරක ක්‍රියාවන්හි යෙදේ. යටපත්ව තිබූ සතුරු බලපෑම් මතුවීම නිසා සිත් චංචල කරවයි. ලිපි ලේඛන තුළින් ජය ගෙන දෙන දිනකි. සන්ධි ප්‍රදාහ රෝග මතු කරයි.

කටක

දුර ගමන්වල යෙදෙන අතර මහජන සබඳතා වර්ධනය වන ක්‍රියාවන්හි යෙදේ. තම ඥාති මිත්‍රාදීන් ඒකරාශිව ක්‍රියාකරයි. වාද විවාද ශුභවාදී නොවේ. ඉවසීමෙන් ක්‍රියාකළ යුතු දිනකි. ශිරෝගත රෝග, උගුර ආශ්‍රිත රෝග මතුවේ.

සිංහ

ශුභාශුභ මිශ්‍ර ඵල ගෙන දෙයි. කෙටි ගමන් යෙදේ. තරමක් අලස ගති ඉස්මතු කරයි. තම ළඟම ඥාතියකු වෙනුවෙන් වැයපස ඉහළ යයි. සතුරන් දමනය වෙයි. සෙම් කෝප රෝගවලට හේතුයි.

කන්‍යා

ශුභාශුභ ඵල දෙයි. රාජකාරි බහුල වෙයි. අවිවේකී බවක් ගෙන දෙයි. කලකිරීම් ඇති කරවන ප්‍රශ්න ඇතිකරයි. දුරස්ථව සිටි ඥාතීන් සමීප වෙයි. සිරසගත රෝගවලට හේතුයි.

තුලා

ශුභාශුභ ඵල උදාකරයි. හුදෙකලා ගති මතුවෙයි. තම නිවසේ ක්‍රියාකාරකම්වල යෙදේ. දහමට ළැදිව ක්‍රියාකරයි. සමාජ සද්කාරක ක්‍රියාවන්හි යෙදෙන අතර සෙම් ආසාදන රෝගවලට හේතුයි.

වෘශ්චික

සාමාන්‍ය ලෙසින් දවස ගෙවෙයි. සාමාන්‍ය ලෙසින් රාජකාරිවල යෙදෙන අතර තම වෙළෙහෙළඳාම් වලින් ජයගෙන දෙයි. තම ඥාතීන්ගේ අවශ්‍යතා මත වැයපස ද ඉහළ යයි. මුඛ රෝග, දන්ත රෝග මතුකරයි.

ධනු

ක්‍රියාකාරී දිනකි. රාජකාරි සමග අමතර ක්‍රියාකාරකම් මත අවිවේකය ඇති කරයි. තරමක් සිත් චංචල කරයි. නවක මිතුදම් ඇති කරවයි. අන්සතු දේපළ උරුමයකට හේතු සෑදේ. උෂ්ණ රෝග මතුකරවයි.

මකර

ශුභාශුභ මිශ්‍ර ඵල දෙයි. තම ඥාතීන්ගේ අවශ්‍යතා මත වැයපස ඉහළ යයි. මතවාදවලට තුඩුදෙන ක්‍රියාවනට හේතුවන බැවින් ඉවසීමෙන් ක්‍රියාකළ යුතුය. හදිසි ධන ලාභ ලබයි. සෙම් කෝප රෝග මතුකරයි.

කුම්භ

ක්‍රියාකාරී දිනකි. තරමක් වැයපස ඉහළ යන කරුණු යෙදේ. අන් අයගේ අවශ්‍යතා මතද ක්‍රියා කරයි. දහමට ද ළැදිව කටයුතු කරයි. මහජන සබඳතා වර්ධනය වන කරුණු කාරණා යෙදේ. කාස ස්වාස රෝගවලට හේතුයි.

මීන

ක්‍රියාකාරී දිනකි. තනතුරු ලාභ ලබයි. තරමක් වගකීම් බහුල දිනකි. ගමන් බිමන් බහුල වෙයි. තරමට වඩා වැයපස ඉහළ යයි. දෙවරක් සිතා බලා ක්‍රියාකළ යුතු දිනකි. හදිසි රෝග, කැපුම් කෙටුම්වලට හේතුයි.