දවසේ ලග්න පලාපල – 2024 අගෝස්තු මස 14 වන බදාදා

මේෂ

ශුභාශුභ මිශ්‍රඵල දෙයි. දුර ගමන් විනෝද ගමන් වැනි දේවලට හේතුයි. රැකියා ස්ථානවල පැවැති බාධා ඉවත් වේ. සමිති සමාගම්, මහජන හමුවීම් වැනි දේවලට මුල් වී වැඩ කරයි. හදිසි ලාභ ලබයි. ශිරෝ රෝග මතු කරයි.

වෘෂභ

ගමන් බිමන් යෙදේ. සම්මුඛ සාකච්ඡා වැනි දේවලින් ජය ලබයි. විදෙස් ගමන් සඳහා යොමු වන අයට ශුභයි. වැදගතුන්ගෙන් උපදෙස් උපකාර ලබන දිනකි. තුරඟ තරග වැනි දේවලින් ජය ලබයි. ස්වාස රෝග පෙණහලු රෝග මතුවේ.

මිථුන

ක්‍රියාකාරී දිනකි. ගමන් බිමන්ද බහුලයි. මහජන සබඳතා වර්ධනය වන දිනකි. ඉඩ කඩම් පිළිබඳ ප්‍රශ්නයක් ශුභවාදීව විසඳේ. නව නිර්මාණ කරණයට ශුභයි. උගතුන්ගෙන් තමන්ට උපදෙස් උපකාරද ලැබෙයි. සන්ධි රෝග, වාත රෝග මතු කරයි.

කටක

ක්‍රියාකාරකම් යෙදේ. උත්සව සාද වැනි දේවල්වලටද සහභාගි වෙයි. නවක මිතුදම් ඇතිවෙයි. සතුරු බලපෑම් යටපත් වෙයි. ඇසුරු කරන්නන් අතර ප්‍රධාන වෙයි. හදිසි ධන සම්පත් ලබාදෙයි. සෙම් කෝප රෝග, උෂ්ණ රෝග මතු කරයි.

සිංහ

ප්‍රබෝධයෙන් දවස ක්‍රියාකරයි. තම ඥාති මිත්‍රාදීන් සමග සුහදතාව වර්ධන ක්‍රියාවන්හි යෙදේ. නිවාස අලංකරණයට හේතුයි. විනෝදයෙන් දවස ගෙවයි. අමතර ලාභ ලැබීම්වලට හේතුයි. නේත්‍ර රෝග මතුවේ.

කන්‍යා

ගමන් බිමන් තරමක් බහුල වෙයි. උත්සව සැණකෙළි වැනි දේවලට සහභාගි වෙයි. පැරණි මිතුදම් වර්ධනය වෙයි. දහමට ද ළැදිව ක්‍රියාකරයි. අමතර ලාභ ගෙනදෙන දිනකි. මුලාර්ශස් රෝග මතු වෙයි.

තුලා

තරමක් වෙහෙසව ක්‍රියාකරයි. දුර ගමන් යෙදේ. විනෝද ජනක ක්‍රියාවන්වලද යෙදේ. ආගමික වතාවත්වලද යෙදෙන දිනකි. සුහදතා වර්ධන කටයුතුවල යෙදේ. තැන්පත් ධනය තරමක් වැයවේ. වාතාධික රෝග මතුවෙයි.

වෘශ්චික

ගමන් බිමන් යෙදෙන අතර තම ඥාතීන්ගේ අවශ්‍යතා මත ක්‍රියාකරයි. විනෝදජනක ක්‍රියාවන්හි යෙදෙන අතර අමතර ලාභ ලබයි. දහමට ළැදිව ක්‍රියා කරන දිනකි. වැයපස ඉහළ යයි. සෙම් කෝප රෝග මතුවන දිනකි.

ධනු

තරමක් ශුභවාදී ඵල මතු කරයි. ඇසුරු කරන්නන් අතර ප්‍රධාන වෙයි. දුර ගමන් යෙදේ. ප්‍රවේශමෙන්. සුහදතා වර්ධන ක්‍රියාවන්හි යෙදේ. නවක මිතුදම් ඇති වෙයි. වැයපස ඉහළ යයි. සෙම් ආසාදිත රෝග සාදයි.

මකර

ශුභාශුභ මිශ්‍රඵල මතු කරයි. රැකියා ස්ථානවල අස්ථාන චෝදනා එල්ල වෙයි. බුද්ධිමත්ම ක්‍රියාකළ යුතුය. වාදවිවාද සුදුසු නොවේ. ඉවසීමෙන් ක්‍රියාකළ යුතු දිනකි. සන්ධි ප්‍රදාහ රෝගවලට හේතුයි.

කුම්භ

ශුභවාදී ඵල මතුකරයි. ප්‍රබෝධයෙන් දවස ගෙවයි. රැකියාවල උනන්දුවෙන් යෙදේ. ප්‍රීති උත්සව, සුහදතා වර්ධන ක්‍රියා ආදියෙහි යෙදේ. උසස් මිතුරන් ඇසුරට පත්වෙයි. ආමාශගත රෝගවලට හේතුයි.

මීන

ශුභාශුභ මිශ්‍රඵල මතු කරයි. රැකියාවල උසස්වීමකට හේතුයි. ක්‍රියාශීලී දිනකි. හදිසි ලාභ ලැබීම්වලට හේතුයි. භූමි ලාභ, භූමි සම්පත් ගෙනදෙන දිනකි. මුත්‍රා ආසාදන රෝගවලට හේතුයි.