දවසේ ලග්න පලාපල – 2024 ජූලි මස 04 වන බ්‍රහස්පතින්දා

මේෂ

ශුභා ශුභ මිශ්‍රඵල ගෙනෙන අතර දුර ගමන් ද යෙදේ. රාජකාරි ස්ථානවල අමතර ක්‍රියාකාරකම් යෙදෙන අතර අවිවේකී බවක් ද මතුකරයි. විනෝදජනක ක්‍රියාවන්හි ද යොමුවන දිනකි. සෙම් කෝප රෝග උෂ්ණ රෝග මතුකරයි.

වෘෂභ

ගමන් බිමන් බහුල දිනකි. යටපත්ව තිබූ සතුරු බලපෑම් ඉස්මතු කරයි. තරමක් මනසට වද දෙන ප්‍රශ්න මතුකරයි. ප්‍රීතිසාද යෙදේ. තරමක් වැයපස ඉහළ යයි. අමතර ලාභ ලැබීම ද ඇතිවේ. බඩවැල් ආශ්‍රිත රෝග භගන්දරා වැනි රෝග මතුවේ.

මිථුන

ක්‍රියාකාරකම් බහුලයි. සමාජ සත්කාරක ක්‍රියා ආදියෙහි යෙදෙන අතර රාජකාරි ද බහුල දිනකි. ප්‍රේම සබඳතා ඇතිවෙයි. ලිපි ලේඛනවලින් ජය දෙයි. තනතුරු ලාභ ලැබීම්වලට ද හේතුයි. රක්ත වාත රෝග මතු කරයි.

කටක

ක්‍රියාකාරකම් බහුලයි. පොදු සේවාවන්හි මුල්වී කටයුතු කරයි. අගැයීම්වලට ලක්වෙයි. දානමානාදි ක්‍රියාවන්හි යෙදෙන අතර විනෝදාත්මක ක්‍රියාවන්හි ද යෙදේ. ශිරෝ රෝග උදරාබාධ මතුකරයි.

සිංහ

වෙහෙසව ක්‍රියාකිරීමට සිදුවන දිනකි. තරමක් ආවේගශීලී ගති මතුකරයි. කෙටි ගමන් බිමන් ද යෙදේ. වැයපසද නොහිතන තරමට වැයවෙයි. හදිසි ලාභ ලබයි. සන්ධිගත රෝග ද මතු කරයි.

කන්‍යා

ශුභවාදී ඵල මතුකරන අතර තම අරමුණු තරමක් දුරට ජයගනී. තම ඥාති මිත්‍රාදීන්ගෙන් උදව් උපකාර ද ලබයි. තම සුපුරුදු ක්‍රියාවන්හි ප්‍රබෝධයෙන් යෙදේ. සෙම් කෝප රෝග ද මතුවේ.

තුලා

ශුභා ශුභ ඵල මතුකරයි. ගමන් බිමන් යෙදෙන නමුත් ප්‍රවේශම මැනවි. තම ඥාතීන්ගේ අවශ්‍යතා මත ක්‍රියාකිරීමට සිදුවෙයි. සුහදතා වර්ධන ක්‍රියාවන්වලට යොමුවෙයි. උදරාබාධ, මූලවාත රෝග මතුවේ.

වෘශ්චික

ශුභා ශුභ ඵලදෙයි. තරමක් ක්‍රියාශීලීව කටයුතුවල යෙදේ. ව්‍යාපාරවල දියුණුවක් පෙනේ. සතුරු බලපෑම් දමනය වෙයි. සමාජ සද්කාරවල යෙදේ. වැයපස ඉහළ යයි. සිරසගත රෝග මතුවේ.

ධනු

ශුභා ශුභ ඵල මතුකරයි. නිවසේ ක්‍රියාකාරකම්වල යෙදේ. දහමට ළැදිව ක්‍රියා කරයි. තම ඥාතීන් වෙනුවෙන් වැයපස ඉහළ යයි. පැවති සෙම් රෝග වර්ධනයට හේතුයි.

මකර

ශුභා ශුභඵල මතු කරයි. තරමක් ආත්මාර්ථකාමී ගති ඉස්මතු වෙයි. තම ළඟම ඥාතීන් වෙනුවෙන් මිල මුදල් වැය කරයි. නවක මිතුදම් ඇතිවන දිනකි. පාදවල පැවති රෝග තවදුරටත් වර්ධනය වෙයි.

කුම්භ

ශුභවාදී ඵලදෙයි. දුරස්ථව සිටි තම ඥාතීන් සමීප කරවන ක්‍රියා යෙදේ. යටපත්ව තිබූ ණය ගනුදෙනුවක් තමනට වාසි ලෙස විසඳේ. ව්‍යාපාරවලින් ජය දෙයි. කොන්දේ වාත කටීවාත වැනි රෝගවලට හේතුයි.

මීන

ශුභා ශුභ මිශ්‍රඵල මතුකරයි. කෙටි ගමන් බිමන් වැනි දේට ශුභයි. තම වෙළහෙළඳාම් වලින් ජය දෙයි. රාජකාරිවලදී පුරුදු ලෙස යුතුකම් ඉටුකරයි. ප්‍රේම සම්බන්ධතා වර්ධනය වෙයි. මූල රෝග වැනි රෝගවලට හේතුයි.