දවසේ ලග්න පලාපල – 2024 සැප්තැම්බර් මස 03 වන අඟහරුවාදා

මේෂ

ශුභා ශුභ මිශ්‍ර ඵල දෙයි. තරමක් අවිවේකී බවක් ගෙන දෙයි. මිල මුදල් තරමක් වැයවන අතර පොදු සේවා වැඩකටයුතුවල ද යෙදේ. සතුරු බලපෑම් දමනය වෙයි. ශිරෝග රෝග මතුකරයි. උෂ්ණ රෝග සාදයි.

වෘෂභ

ක්‍රියාශීලී දිනකි. රාජකාරි මෙන්ම අමතර ක්‍රියාද බහුල දිනකි. තම නිවස තරමක උත්සව ස්වභාවයක් ඇති කරයි. තම ඥාතීන් සමග ඒකරාශිව ක්‍රියාකරයි. ඉවසීමෙන් ක්‍රියාකළ යුතු වාත රෝග මතුකරයි.

මිථුන

ශුභවාදී ඵල ගෙන දෙයි. ක්‍රියාශීලී දිනකි. අතපසු වැඩ ඉදිරියට කරගෙන යයි. තම ඇසුරු කරන්නන් ගෙන් තරමක් පීඩා මතුකරයි. පොදු සේවා ක්‍රියාවන්හි යෙදෙන හදිසි ලාභ ලබන දිනකි. සෙම් කෝප රෝග මතුකරයි.

කටක

අවිවේකී දිනකි. දුර ගමන් යෙදේ. අන් අයගේ අවශ්‍යතා මත ක්‍රියා කිරීමට සිදුවෙයි. නීතිමය ගැටලු ශුභවාදීව විසඳෙයි. උගතුන් වියතුන් ඇසුරට එක්වෙයි. හදිසි ධන ලාභ ගෙන දෙයි. මූල රෝග බඩවැල් රෝග මතුවේ.

සිංහ

වෙහෙසව ක්‍රියාකිරීමට සිදුවන දිනකි. තරමක් ආවේගශීලී ගති මතුකරයි. කෙටි ගමන් බිමන් ද යෙදේ. වැයපස ද නොහිතන තරමට වැය වෙයි. හදිසි ලාභ ද ලබයි. සන්ධිගත රෝග ද මතුකරයි.

කන්‍යා

ශුභවාදී ඵල මතුකරන අතර තම අරමුණු තරමක් දුරට ජය ගනී. තම ඥාති මිත්‍රාදීන් ගෙන් උදව් උපකාර ද ලබයි. තම සුපුරුදු ක්‍රියාවන්හි ප්‍රබෝධයෙන් ක්‍රියාවේ යෙදේ. සෙම් කෝප රෝග ද මතුවේ.

තුලා

ශුභා ශුභ ඵල මතුකරයි. ගමන් බිමන් යෙදෙන නමුත් ප්‍රවේශම මැනවි. තම ඥාතීන්ගේ අවශ්‍යතා මත ක්‍රියාකිරීමට සිදුවෙයි. සුහදතා වර්ධන ක්‍රියාවන්වලට යොමු වෙයි. උදරාබාධ මූල වාත රෝග මතුවේ.

වෘශ්චික

ශුභා ශුභ ඵල දෙයි. තරමක් ක්‍රියාශීලීව කටයුතුවල යෙදේ. ව්‍යාපාරවල දියුණුවක් පෙනේ. සතුරු බලපෑම් දමනය වෙයි. සමාජ සත්කාරවල යෙදේ. වැයපස ඉහළයි. සිරසගත රෝග මතුවේ.

ධනු

ශුභා ශුභ මිශ්‍ර ඵල මතුකරයි. දවස නිවස ක්‍රියාකාරකම්වල යෙදේ. දහමට ලැදිව ක්‍රියා කරයි. තම ඥාතීන් වෙනුවෙන් වැයපස ඉහළ යයි. පැවැති සෙම් රෝග වර්ධනයට හේතුයි.

මකර

ශුභා ශුභ ඵල මතුකරයි. තරමක් ආත්මාර්ථකාමී ගති ඉස්මතු වෙයි. තම ළඟම ඥාතීන් වෙනුවෙන් මිල මුදල් වැය කරයි. නවක මිතුදම් ඇතිවන දිනකි. පාදවල පැවැති රෝග තවදුරටත් වර්ධනය වෙයි.

කුම්භ

ශුභවාදී ඵල දෙයි. දුරස්ථව සිටි තම ඥාතීන් සමීප කරවන ක්‍රියා යෙදේ. යටපත්ව තිබූ ණය ගනුදෙනුවක් තමනට වාසි ලෙස විසඳේ ව්‍යාපාරවලින් ජය දෙයි. කොන්දේ වාත කටීවාත වැනි රෝගවලට හේතුයි.

මීන

ශුභා ශුභ මිශ්‍රඵල මතුකරයි. කෙටි ගමන් බිමන් වැනි දේට ශුභයි. තම වෙළහෙළඳාම්වලින් ජය දෙයි. රාජකාරිවලින් පුරුදු ලෙස යුතුකම් ඉටුකරයි. ප්‍රේමය වර්ධනය වෙයි. මූල රෝග වැනි රෝගවලට හේතුයි.