දවසේ ලග්න පලාපල – 2024 ජූලි මස 09 වන අඟහරුවාදා

මේෂ

තරමක් රාජකාරිවල බහුල තත්ත්වයට හේතුයි. අවිවේකී දිනකි. අතපසුවීම් ඇතිවන නිසා ඉවසීම ද මැනවි. ඇසුරුකරන්නන් අතරම විවේචනයට ලක්වීමට ඉඩ තිබේ. ශිරෝ රෝග මතුකරයි.

වෘෂභ

ශුභාශුභ ඵලදෙයි. තරමක් අවිවේකී දිනකි. තම අවශ්‍යතා ඉටු නොවේ. අමතර ක්‍රියාකාරකම් යෙදේ. අනවශ්‍ය ලෙස මිල මුදල් ද වැයවීමට ඉඩ ඇත. ප්‍රවේශමෙන්. ආමාශගත රෝග ද මතුකරයි.

මිථුන

උනන්දුවෙන් ක්‍රියාවන්හි යෙදේ. තම ව්‍යාපාරවල දියුණුවක් පෙනේ. උත්සව, සාද වැනි දේවල ද යෙදෙන අතර වැයපස ද ඉහළ යයි. යටපත්ව තිබූ සතුරු බලපෑම් ඉස්මතු වෙයි. සෙම් බහුල රෝග මතුකරයි.

කටක

ක්‍රියාකාරී දිනකි. අතපසුවීම්ද යෙදේ. ඇසුරුකරන්නන් අතර ප්‍රසාදයට පත්වෙයි. අමතර ලාභ ලැබීම්වලට හේතුයි. ගමන් බිමන් ද බහුලයි. වැයපස ද ඉහළ යයි. මුත්‍රා ආසාදන, පාද ආබාධ මතුකරයි.

සිංහ

ශුභාශුභ මිශ්‍ර ඵල දෙයි. දහමට අවතීර්ණව ක්‍රියාකරයි. අධ්‍යාත්මික ගුණවගාවන් කෙරෙහි යොමු වෙයි. ප්‍රීති සාද වැනි දේවල් ද යෙදෙන, නවක මිතුදම් ඇතිවන දිනකි. සෙම් බහුල රෝග මතුකරයි.

කන්‍යා

දානමානාදී කුසල කර්මවල යෙදේ. සමාජ සත්කාරක ක්‍රියාවන්වල යෙදේ. ආගමික උත්සව ද සංවිධානයට හේතුයි. තම ව්‍යාපාරවල දියුණුවක් පෙනේ. හදිසි ලාභ දෙයි. මුඛ රෝග, දන්ත රෝග මතුකරයි.

තුලා

ගමන් බිමන් බහුල දිනකි. උත්සව, සාද වැනි දේවල් යෙදේ. ආගමික උත්සව සංවිධානයට මෙවැනි දේ සඳහා සහභාගි වීමට හේතුයි. පරාර්ථකාමීව ක්‍රියාවේ යෙදන දිනකි. සන්ධි ඉදිමුම් රෝග මතුකරයි.

වෘශ්චික

ක්‍රියාශීලි දිනකි. දාන ශීලාදී ගුණධර්මවල යෙදෙන අතර තම ඇසුරුකරන්නෝ ද දහමට යොමු කරවයි. උත්සව සභාවන්වලට ද සහභාගි වෙයි. හදිසි ධන ලාභ ලබයි. මුත්‍රා ආසාදන, අර්ශස් මතුවේ.

ධනු

ශුභාශුභ මිශ්‍ර ඵල දෙයි. ආගමික උත්සවවලට සහභාගි වීමට හේතුයි. පොදු උත්සවවලට ද යොමුවෙයි. මනසට සුවයක් දැනේ. ප්‍රීති සාදවලට ද යොමුවෙයි. සිරසගත රෝගවලට ද හේතුයි.

මකර

ශුභවාදීව සිතා කටයුතු කරන දිනකි. තම ඇසුරින් දුරස්ථ ඥාතීන් සමීප වෙයි. ආගමික වතාවත්, පුද පූජාවල නිරත වන දිනකි. සුහදතා වර්ධන ක්‍රියාවන්හි ද යෙදෙන දිනකි. පෙනහලු ආශ්‍රිත රෝගවලට හේතුයි.

කුම්භ

ශුභවාදී ඵල දෙයි. ප්‍රීති සාදවලට සහභාගි වීමේ අවස්ථා යෙදේ. තම ඥාති මිත්‍රාදීන් ඒකරාශීව ක්‍රියාකරයි. වැයපස අධික දිනකි. තරමක් සිත් චංචල කරවන ප්‍රශ්න ද පවතී. මුත්‍රා රෝග සෑදෙයි.

මීන

ශුභ ඵල මතුකරයි. ප්‍රීති සාදවලට සහභාගි වෙයි. ආගමික වතාවත් ගරු කරන අතර, ආගමික උත්සවවලට සහභාගි වෙයි. නවක මිතුදම් ඇතිවෙයි. තම ආර්ථිකය දියුණුවට පත්වෙයි. ආමාශගත රෝග සෑදෙයි.