උසස් පෙළ විභාග ප්‍රවේශ පත්‍ර නොලැබුණු අයට දැනුම් දීමක්
අ.පො.ස උසස් පෙළ විභාගය නොවැම්බර් 25 වනදා ආරම්භ කර දෙසැම්බර් 20 දක්වා පැවැත්වෙන බව විභාග දෙපාර්තමේන්තුව පවසයි.
පාසල් අයදුම්කරුවන්ගේ ප්‍රවේශ පත්‍ර සහ කාල සටහන අදාල පාසලේ විදුහල්පතිවරයා වෙතද, පෞද්ගලික අයදුම්කරුවන්ගේ ප්‍රවේශ පත්‍ර සහ කාලසටහන ඔවුන්ගේ පුද්ගලික ලිපිනයටද තැපැල් මඟින් යොමු කර ඇති බවයි, විභාග දෙපාර්තමේන්තුව සඳහන් කළේ.
තැපැල් මඟින් ප්‍රවේශ පත්‍ර නොලැබුණු පෞද්ගලික අයදුම්කරුවන්ට නොවැම්බර් 18 වනදා සිට www.doenets.lk යන විභාග දෙපාර්තමේන්තුවේ නිල වෙබ් අඩවියෙන් එම ප්‍රවේශ පත්‍ර බාගත කර ගැනීමට හැකියාව පවතින බව විභාග දෙපාර්තමේන්තුව දැනුම් දෙයි.