පාදුක්කේ වත්තක නිරුවත් කාන්තා මළ සිරුරක්
පාදුක්ක තුන්නාන ප්‍රදේශයේ වෙන්දේසි වත්තක ඉහල කොටසේ තිබී කාන්තාවකගේ නිරුවත් මළ සිරුරක් අද (07) දහවල් හමු වූ බව පාදුක්ක පොලිසිය පවසයි.
පාදුක්ක පොලිස් ස්ථානය වෙත ලද දුරකථන ඇමතුමකට අනුව පාදුක්ක පොලිස් ස්ථානයේ නිළධාරින් එම ස්ථානයට ගොස් පරික්ෂා කිරිමේදී මෙම නිරුවත් කාන්තා මළ සිරුර හමු වී ඇත.
මෙලෙස මියගොස් ඇත්තේ, කොට්ටාව පන්නිපිටිය රුක්මලේ විජේපුර ප්‍රදේශයේ පදිංචිකාරියක වන විතානගේ දයාවති නමැති (67) හැවිරිදි කාන්තාවකි.
මියගොස් ඇති කාන්තාව පාදුක්ක තුන්නාන 69 කන්ද, හංවැල්ල ලිපිනයේ පදිංචි ඇයගේ මිණිපිරියගේ වැඩිවියට පත්වීමේ උත්සවය සදහා කැවිලි පෙවිලි සෑදීම සදහා දින කිහිපයකට පෙර පැමිණ ඇති බවත් ඇය එම නිවසට නොපැමිණීම නිසාවෙන් නිවැසියන් ඒ පිළිබදව කොට්ටාව පොලිසියට පැමිණිල්ලක් කර ඇති බවද අනාවරණය වූ බවද පොලීසිය පවසයි.