තමන් පැදවූ ට්‍රැක්ටර් රථයටම යටවී රියදුරු මරුට
ආරච්චිකට්ටුව මාඑලිය ප්‍රදේශයේදී ගමන් කරමින් තිබූ ට්‍රැක්ටර් රථයක් පෙරළී යාමෙන් එහි රියදුරු එම ට්‍රැක්ටර් රථයටම යටවීමෙන් මරණයට පත්ව ඇතැයි මුන්දලම පොලීසිය පවසයි.
මෙම අනතුරෙන් මරණයට පත්ව ඇත්තේ හලාවත, විජයකටුපත පදිංචි ගලිසපිටිගේ මතීෂ රුවන් නැමති 36 හැවිරිදි තිදරු පියෙකි.
මරණකරු විජය කටුපත ප්‍රදේශයේ ව්‍යාපාරිකයෙකුට අයත් ට්‍රැක්ටර් රථයක රියදුරු වශයෙන් සේවය කර තිබේ.
ඊයේ ( 19) දින පුලිච්චිකුලම ප්‍රදේශයේ කුඹුරක වී වැපිරීම සිදුකර එදින පස්වරුවේ සිය හාම්පුතාට අයත් ලොරි රථයක් මඩේ එරී තිබියදී එය ගොඩ ගැනීමට යමින් සිටියදී මෙම අනතුර සිදුව ඇත.