![දඩ මුදල් වැඩි කිරීමට කැබිනට් අනුමැතිය දඩ මුදල් වැඩි කිරීමට කැබිනට් අනුමැතිය](https://cdn.statically.io/img/newsi.lk/wp-content/uploads/2023/11/cabinut-sd.jpg?quality=100&f=auto)
දඩ මුදල් වැඩි කිරීමට කැබිනට් අනුමැතිය
අපරාධ නඩු විධාන සංග්රහය පනතේ දඩ මුදල් වැඩි කිරීමේ සංශෝධන සඳහා කැබිනට් අනුමැතිය ලැබී ඇත.
අපරාධ නඩු විධාන සංග්රහයේ සඳහන් දඩ මුදල් වර්තමාන මුදල් අගය මත පදනම්ව වැඩි කිරීමට හැකි වන පරිදි අපරාධ නඩු විධාන සංග්රහය පනත සංශෝධනය කිරීම පිණිස අද (27) දින පැවති අමාත්ය මණ්ඩල රැස්වීමේදී අනුමැතිය ලබා දී තිබේ.
ඒ අනුව නීති කෙටුම්පත් සම්පාදක විසින් සකස් කරනු ලැබ ඇති සංශෝධිත පනත් කෙටුම්පත සඳහා නීතිපතිගේ අවසරය ලැබී තිබේ.
එකී පනත් කෙටුම්පත රජයේ ගැසට් පත්රයේ පළ කිරීමටත්, ඉන් අනතුරුව අනුමැතිය සඳහා පාර්ලිමේන්තුවට ඉදිරිපත් කිරීමටත් අධිකරණ, බන්ධනාගාර කටයුතු හා ආණ්ඩුක්රම ව්යවස්ථා ප්රතිසංස්කරණ අමාත්යවරයා ඉදිරිපත් කළ යෝජනාව අමාත්ය මණ්ඩලය අනුමත කළේය.