මෝටර් රථය ගල් වලකට පෙරලී සිව් දරු පියා මරුට

අඩි හැටක් පමණ ගැඹුරැති ගල් වලකට මෝටර් රථයක් පෙරලී අද (31) උදෑසන සිදුවූ අනතුරකින් සිව් දරු පියකු එම ස්ථානයේදීම ජීවිතක්ෂයට පත්ව ඇතැයි ආණමඩුව පොලිසිය පවසයි.

මෙලෙස ජීවිතක්ෂයට පත්ව ඇත්තේ, ආණමඩුව තෝනිගල ඔරුගල ප්‍රදේශයේ පදිංචි රාජපක්ෂ මුදියන්සේලාගේ චමින්ද උපුල් කුමාර නැමති 46 හැවිරිදි සිව් දරු පියෙකි.

අද අලුයම ඔහු මෝටර් රථයෙන් ගල් වලකට ගමන් කරමින් සිටියදී මෝටර් රථය ලිස්සා ගොස් ගල් වලෙන් පහලට ඇදවැටී තිබේ.

එහිදී මෝටර් රථයටද දරුණු හානි වී අදලා තැනැත්තා මෝටර් රථය තුළම මරණයට පත්ව ඇති බව පරික්ෂණ පවත්වන පොලීසිය පැවසීය.

මරණයට පත්වු සිව්දරු පියා මේ වන විට ගොවිතැන් කටයුතු වල නිරත වෙමින් සිටින වගාකරුවෙකු බවත් කලින් කළුගල් වලවල් පවත්වාගෙන යමින් කළුගල් කැඩිමේ නිරත වු අයකු බවද පැවසෙයි.