හරීන් ප්‍රනාන්දු අත්අඩංගුවට
හිටපු පාර්ලිමේන්තු මන්ත්‍රී හරීන් ප්‍රනාන්දු මහතා බදුල්ල පොලීසිය විසින් අත්අඩංගුවට ගෙන තිබේ.
පසුගිය 11 වනදා බදුල්ල නගරයේදී මැතිවරණ ප්‍රචාරක වැඩසටහනක් අතරතුරදී කළහකාරී ලෙස හැසිරීමේ සිද්ධියක් සම්බන්ධයෙන් ප්‍රකාශයක් ලබාදීම සඳහා හිටපු ඇමැතිවරයා අද (20) උදෑසන බදුල්ල පොලීසිය හමුවේ පෙනී සිටීමෙන් අනතුරුව එලෙස අත්අඩංගුවට ගෙන ඇත.
හිටපු ඇමැතිවරයා බදුල්ල අධිකරණයට ඉදිරිපත් කිරීමට නියමිතය.
හරීන් ප්‍රනාන්දු මහතා බදුල්ල දිස්ත්‍රික්කය නියෝජනය කරමින් නව ප්‍රජාතන්ත්‍රවාදී පෙරමුණ යටතේ මෙවර පාර්ලිමේන්තු මැතිවරණයට තරඟ වැදුණි.
එහිදී ඔහුට පාර්ලිමේන්තු වරම් හිමිකර ගැනීමට හැකියාව හිමිවූයේ නැහැ.