රාජගිරියේ වාහන අලුත්වැඩියා කිරීමේ ස්ථානයක ගින්නක්
රාජගිරිය ප්‍රදේශයේ වාහන අලුත්වැඩියා කිරීමේ ස්ථානයක හදිසි ගින්නක් හටගෙන ඇතැයි වාර්තා වේ.
ගින්න මැඩපැවැත්වීම සඳහා කෝට්ටේ නගර සභාව, ගිනි නිවීමේ ඒකකයෙන් ගිනි නිවීම් රථ 03ක් සහ සිය දෙපාර්තමේන්තුවෙන් ගිනි නිවීම් රථ 02ක් යොදවා ඇති බවයි, ගිනි නිවීමේ සේවා දෙපාර්තමේන්තුව සඳහන් කළේ.
කර්මාන්තශාලාව තුළ හටගත් ගින්න ඒ අසල පිහිටි නිවාස සංකීර්ණයක් වෙතද පැතිරගොස් ඇති බවද, ගිනි නිවීමේ සේවා දෙපාර්තමේන්තුව සඳහන් කළේය.
ගින්න ඇතිවීමට හේතුව හෝ සිදුවූ හානිය පිළිබඳව මෙතෙක් කරුණු අනාවරණය වී නොමැත.