අනුශූරතාවය දිනූ ශ්‍රී ලංකා A කණ්ඩායම දිවයිනට
නැගීඑන කණ්ඩායම් ආසියානු කුසලාන 20-20 තරගාවලියේ අනුශූරතාව දිනූ ශ්‍රී ලංකා A කණ්ඩායම දිවයිනට පැමිණියා.
ඔවුන් අද (29) උදෑසන 08.15ට ඩුබායි සිට පැමිණි ඊ.කේ.- 650 දරන ගුවන් යානයෙන් ශ්‍රී ලංකා කණ්ඩායම දිවයිනට පැමිණි බවයි ගුවන්තොටුපොළ ආරංචි මාර්ග සඳහන් කළේ.
ශ්‍රී ලංකා A කණ්ඩායම පිළිගැනීම සඳහා ශ්‍රී ලංකා ක්‍රිකට් ආයතනයේ නිලධාරීන් පිරිසක් ද කටුනායක ගුවන් තොටුපොළ වෙත පැමිණ සිටියා.
අපිට එහිදී අවසාන මහා තරගය ක්‍රීඩා කරන්න ලැබුණෙ ” ස්ලෝ විකට්ටුවක්”ඒ වගේම අපි බැට් කරන කොට , පවර් ප්ලේ අවස්ථාව වනවිට අපේ මුල් පෙලේ ක්‍රීඩකයින් 04 දෙනෙකුම දැවී ගියා .
අපි රැස් කළ ලකුණු ප්‍රමාණවත් උනේ නැහැ. නමුත් අපේ පන්දු යවන්නෝ හොදට බෝල් කළා යැයි ශ්‍රී ලංකා “‘ ඒ ” ක්‍රිකට් කණ්ඩායමේ නායක නුවනිදු ප්‍රනාන්දු අද(29 ) උදෑසන කටුනායක ගුවන් තොටුපොළේ දී පැවසීය .
මෙම නැගී එන කණ්ඩායම් අතර ආසියානු ශූරතා තරගාවලිය ඕමානයේ මස්කට් නුවර පවත්වා තිබුණි.
