‘මර්වින් ජානා’ STF අත්අඩංගුවට
සංවිධානාත්මක අපරාධකරුවෙකු හා මහා පරිමාණ මත්ද්‍රව්‍ය ජාවාරම්කරුවෙක් වන ජානක ප්‍රසාද් හෙවත් ‘මර්වින් ජානා’ නැමැත්තා පොලිස් විශේෂ කාර්ය බළකාය විසින් අත්අඩංගුවට ගෙන තිබේ.
පොලිස් විශේෂ කාර්ය බළකාය බොරලැස්ගමුව – දේවාලමුල්ල ප්‍රදේශයේ සිදුකළ විශේෂ මෙහෙයුමක් අතරතුර අයිස් මත්ද්‍රව්‍ය සමග සැකකරුව අත්අඩංගුවට ගෙන ඇති බවයි, සඳහන් වෙන්නේ.
සැකකරු අයිස් මත්ද්‍රව්‍ය ග්‍රෑම් 17යි මිලිග්‍රෑම් 60ක් සන්තකයේ තබාගෙන ජාවාරම් සිදුකිරීම සඳහා මෝටර් රථයකින් යමින් සිටිය දී අත්අඩංගුවට ගෙන ඇත.
45 හැවිරිදි අත්තිඩිය, දෙහිවල ප්‍රදේශයේ පදිංචි සැකකරුව වැඩිදුර විමර්ශන කටයුතු සඳහා බොරලැස්ගමුව පොලිස් ස්ථානය වෙත භාර දී තිබේ.