ඇල්පිටිය ප්‍රාදේශීය සභාවේ බලය මාලිමාවට

ඇල්පිටිය ප්‍රාදේශීය සභා ඡන්ද විමසීමේ අවසන් ප්‍රතිඵලය අනුව ජාතික ජන බලවේගය පක්ෂය ජයග්‍රහණය කර තිබෙනවා.

ඒ, සමස්ත ඡන්ද සංඛ්‍යාවෙන් ඡන්ද 17,295ක් ලබාගනිමිනි.

ඒ අනුව, ඇල්පිටිය ප්‍රාදේශීය සභාව සඳහා ආසන 17න් ආසන 15ක් හිමිකරගනිමින් ජය තහවුරු කිරීමට ජාතික ජන බලවේගය සමත් වී තිබෙනවා.

මෙවර ඇල්පිටිය ප්‍රාදේශීය සභා මැතිවරණයේදී පළාත් පාලන කොට්ඨාස 17ක් වෙනුවෙන් සභිකයින් 28 දෙනෙකු තෝරා පත්කර ගැනෙනවා.

ඒ අනුව, කුඩාගල කදිරන්දොල, තිබ්බොටුවාව, ඇල්ල, අම්බනකහදූව, පිණිකහන, ඉඳිපලේගොඩ, වල්ලඔගල, කැටන්දොළ, තලාව, බටුවන්හේන, නවදගල, අමුගොඩ, මැටිවිලිය, ඕමත්ත, ඇල්පිටිය, යන කොට්ඨාසයන් 15ක ජය වාර්තා කිරීමට ජාතික ජන බලවේගය සමත් වී තිබෙනවා.

එමෙන්ම පිටුවල, අවිත්තාව ප්‍රාදේශීය කොට්ඨාසයන් දෙකෙහි ජය හිමිකර ගැනීමට සමත්ව ඇත්තේ සමගි ජන බලවේගය විසින්.

එහිදී ඔවුන් ලබාගත් සමස්ථ ඡන්ද සංඛ්‍යාව ඡන්ද 7,924ක්.

ශ්‍රී ලංකා පොදුජන පෙරමුණ 3,594ක සමස්ථ ඡන්ද සංඛ්‍යාවක් ලබාගනිමින් තෙවන ස්ථානය ලබාගත් අතර, ඔවුන්ට කිසිඳු ආසනයක ජය හිමිවුණේ නැහැ.

මෙහිදී සිව්වන ස්ථානය ලබාගත් පොදුජන එක්සත් නිදහස් සන්ධානය ලබාගත් සමස්ථ ඡන්ද සංඛ්‍යාව ඡන්ද 2,612ක්.

පස්වන ස්ථානය හිමිකර ගත්තේ ස්වාධීන කණ්ඩායමවන අතර, ඔවුන් ලබාගත් සමස්ථ ඡන්ද සංඛ්‍යාව ඡන්ද 2,568ක්.

මෙවර මැතිවරණය සඳහා ඡන්ද දායකයින් 55,643 දෙනෙක් ලියාපදිංචි සිටි අතර, පිළිගත් දේශපාලන පක්ෂ 8ක් සහ ස්වාධීන කණ්ඩායමක් තරග වැදුණා.

අද පෙරවරු 07 ට ආරම්භ වූ අදාළ ඡන්ද විමසීම පස්වරු 04ට අවසන් වූ අතර, ඡන්දය ප්‍රකාශ කිරීමේ ප්‍රතිශතය සියයට 63.4%ක් බවයි දිස්ත්‍රික් තේරීම්භාර නිළධාරී ඩබ්ලිව්.ඒ.ධර්මසිරි ප්‍රකාශ කළේ.

එහිදී සුදුසුකම් ලැබූ ඡන්ද දායකයින් 55,643න් 35,255ක් සිය ඡන්දය ප්‍රකාශ කරනු ලැබුවා.

ජාතික ජන බලවේගය
ලබාගත් ඡන්ද සංඛ්‍යාව – 17,295
හිමිවූ ආසන සංඛ්‍යාව – 15

සමගි ජන බලවේගය
ලබාගත් ඡන්ද සංඛ්‍යාව – 7,924
හිමිවූ ආසන සංඛ්‍යාව – 02

ශ්‍රී ලංකා පොදුජන පෙරමුණ
ලබාගත් ඡන්ද සංඛ්‍යාව – 3,597
හිමිවූ ආසන සංඛ්‍යාව – නැත

පොදුජන එක්සත් නිදහස් සන්ධානය
ලබාගත් ඡන්ද සංඛ්‍යාව – 2,612
හිමිවූ ආසන සංඛ්‍යාව – නැත

ස්වාධීන කණ්ඩායම
ලබාගත් ඡන්ද සංඛ්‍යාව – 2,568
හිමිවූ ආසන සංඛ්‍යාව – නැත