වසර 7කට පසු කළමනාකරණ නිලධාරීන් බඳවාගැනීමක්
වසර 7 කට පසුව කළමනාකරණ නිලධාරීන් රාජ්‍ය සේවයට බඳවා ගැනීමට රජය තීරණය කර තිබේ.
ඒ අනුව, මැයි මාසයේ ඒ සඳහා විවෘත තරග විභාගයක් පැවැත්වෙන බවයි, රාජ්‍ය පරිපාලන පළාත් සභා හා පළාත් පාලන අමාත්‍යාංශයේ ලේකම් එස් ආලෝක බන්ඩාර මහතා සඳහන් කළේ.
2020 වසරේ පැවැත්වීමට නියමිතව තිබූ තරග විභාගයට ඉදිරිපත් කළ අයැදුම්පත් අනුව විභාගය පැවැත්වීමට නියමිතයි.
ඒ සඳහා අයදුම්පත් එක් ලක්ෂ 30000 කට අධික සංඛ්‍යාවක් යොමු කර ඇති බව ඔහු ප්‍රකාශ කළේය.
විභාගයේ ප්‍රතිඵල මත 2200 ක් රාජ්‍ය සේවයට බඳවා ගැනීමට නියමිතයි.
මේ වනවිට කළමණාකරණ නිලධාරි පුරප්පාඩු 4000 කට අධික සංඛ්‍යාවක් පවතින බව රාජ්‍ය පරිපාලන පළාත් සභා හා පළාත් පාලන අමාත්‍යාංශයේ ලේකම්වරයා ප්‍රකාශ කළේය.
අවසන් වරට කළමණාකරණ නිලධාරින් රාජ්‍ය සේවයට බඳවා ගැනුණේ 2018 වසරේදීය.
