ගෙවත්තට – ගොවිපළට එන සත්තු ගණන් කරන්න විනාඩි 5ක්
එළඹෙන මාර්තු 15 වන දින ගෙවතු වලට සහ ගොවිපළ වලට පැමිණෙන රිළවා. දඬුලේනා, මොණරා වැනි සතුන්ගේ සංගණනයක් සිදු කරන බව කෘෂිකර්ම, පශුසම්පත් සහ ඉඩම් නියෝජ්‍ය අමාත්‍ය නාමල් කරුණාරත්න මහතා පවසනවා.
අමාත්‍යවරයා තවදුරටත් සඳහන් කළේ, ග්‍රාම නිලධාරී වසම්වල සිටින සියලුම නිලධාරීන්ද මෙම නිරීක්ෂණ කටයුතු සඳහා සභාභාගී කරගන්නා බවයි.
“අපි කාලයක් දෙනවා, විනාඩි 5ක ග්‍රාම නිලධාරී වසම්වල ඉන්න සියලුම නිලධාරීන් මේකට සම්බන්ධ වෙනවා. ඊට පස්සේ ඒගෝල්ලො හරහා අපි ජනතාව දැනුවත් කරනවා, විනාඩි 5ක් ඇතුළත තමන්ගේ වත්තේ ගොවිපළේ රිළව් කීයක් හිටියද? දඬු ලේන්නු කීයක් හිටියද? මොණරු කීයක් හිටියද වෙනත් සත්තු කීයක් හිටියාද කියලා ගණන් හදන්න ඕන…
විනාඩි 5ක් දෙන්නේ සත්තු ඒ විනාඩි 5 ඇතුළත් වෙනත් වතුවලට පනින්න පුළුවන්. මෙහෙම සංගණනයක් කරනවා, එතකොට අපට අදහසක් හදාගන්න පුළුවන් ඒ ඒ ප්‍රදේශවල ඉන්න සතුන් ගණන”
