කිඹුලෙක් මී හරකුන් බලන පුද්ගලයෙකුව ඩැහැගෙන යයි
කිඹුලෙකු විසින් පුද්ගලයෙකුව ඩැහැගෙන යෑමේ සිද්ධියක් පොතුවිල් පොලිස් වසමේ ක්‍රොකඩයිල් රොක් ප්‍රදේශයෙන් වාර්තා වනවා.
ඊයේ (28) සවස් කාලයේදී ක්‍රොකඩයිල් රොක් ප්‍රදේශයේ දූව ගංගාවෙන් මී හරකුන් එගොඩ කරමින් සිටි පුද්ගලයෙකුව කිඹුලෙකු විසින් ඩැහැගෙන ගොස් ඇති බවට පොතුවිල් පොලිස් ස්ථානයට පැමිණිල්ලක් ලැබී තිබෙනවා.
සිද්ධියට මුහුණපා ඇත්තේ වයස අවුරුදු 41ක් වූ පසරච්චේන ප්‍රදේශයේ පදිංචිකරුවෙක්.
අතුරුදහන් වූ පුද්ගලයා සොයා පොලීසිය හා පානම නාවික හමුදා කඳවුරේ නිලධාරීන් එක්වී මෙහෙයුම් සිදු කරන බවයි වාර්තා වන්නේ.